કલિયુગ

 ભર બજારે લાગણીઓ વેચાય છે 

દર્દ અહિયાં રોજ લીલામ થાય છે  ..

કોણ કહે છે સાચા-ખોટા નું ભાન નથી કોઈને 

બસ,આંખ આગળ પાટા બંધાય છે  ..

આ તે કેવું ??

બહુ બધું મેળવી ને પણ  ખાલીપો લાગે  ... આ તે કેવું??

કોઈ ના આવવાના એંધાણ નહિ બસ વાટ જોતા રેહવું  ... કેવું??

ભીતર સાગર ઘુઘવાયા કરે ... પણ આંખે પાણી નહિ એ કેવું??

રસ્તા માં આસપાસ ટોળેટોળા ફરે પણ  ...આ પગ ધરતી માં ખોડાઈ ગયા કેવું??

મારી જરૂર છે બે-ચાર ,અને ફરતા રેહવું પડે અનરાધાર ..

નથી કરવું તો પણ કર્યા કરું ..

પ્રસંગ

બહુ લાંબા સમય  મિત્રો ને મળવાનું થયું  .... તેને ઉપલક્ષ્ય માં માણો આ કાવ્ય  ...

સૌ મળ્યા પ્રસંગ બન્યા,

જૂની યાદો ના સંભારણા ઝર્યા  ...

હસી-મજાક ખુશી ની વાતો,

અજાણતા માં કેવા હૃદય મળ્યા  ...

સ્વાર્થ,છળ- કપટ ની આ દુનિયા માં,

ની:સ્વાર્થ ,નિર્મળ  વ્યવહાર મળ્યા...

સમય અવિરત છે વીતતો જ  રહેશે,

બે ઘડી વાગોળવા સંસ્મરણો મળ્યા  ...

સુંદર સંબંધ,સુંદર સમય,સુંદર સમન્વય ,

જુઓ આજે ચોઘડિયા કેવા ખરા મળ્યા ...
                             

 --- સૌમિષા