Tuesday, December 27, 2016

નવું વર્ષ

દિવાળી અને નવું વર્ષ, આવે દર વર્ષ..
બસ એમા ઉમેરતો રહું કૈંક નવું, તો બનશે નવું વર્ષ...
જુના વિચારો,જૂની આદતો છોડી,
જો બનું "નવો" તો બનશે નવું વર્ષ...
નવો સંકલ્પ કરવાનું યાદ કરાવે નવું વર્ષ,
બસ એ સંકલ્પ ને પ્રામાણિકતા થી અનુસરૂ તો બનશે નવું વર્ષ...
વડીલો નાં આશિર્વાદ થી શરૂઆત કરી,
એ આશિર્વાદ ને દિલ થી જોડુ તો બનશે નવું વર્ષ...
જુના ભુલાઈ ગયેલાં સંબંધો નો છેદ ઉડાડયો,
એ સંબંધો ને ફરી સિઁચુ તો બનશે નવું વર્ષ...
ઉત્સવ માં મીઠાઈ નાં થર જમાવ્યા,
એ મીઠાશ હું શબ્દો માં લાવું તો બનશે નવું વર્ષ...
આજે સવારે વહેલા ઉઠી પ્રભુ ને કર્યા યાદ,
બસ હર કૃતિ માં તેમને  કરીએ યાદ તો બનશે નવું વર્ષ...

#સૌમિષા

No comments:

Post a Comment